السلام عليكم و رحمة الله و بركاته
شحالكم جميعا
احم احم احم .. اليوم قررت اني أستوي حرمة بيت و دخلت المطبخ
و سويت أكلة بسيطة .. الا و هي كيكة الفراولة
و نبدأ بسم الله
المقادير :-
مقادير الخلطة الأولى ( خلطة الفراولة):
- كيس فراولة مثلجة
- ملعقتين أو 3 ملاعق كبار جام بالفراولة
- كيس جيلاتين فراولة
- كوب ماي
مقادير الخلطة الثانية ( الكريمة):
- كيسين كريمة دريم ويب
- كيس كراميل
- علبتين قشطة
- كوب حليب سائل و الأفضل يكون حليب فريش
مقادير الكيكة:
- خليط كيك أبيض .. نفس الطريقة اللي مكتوبة على العلبة
الطريقة :
أول شي نسوي الكيكة .. بالطريقة التقليدية .. و بعد ما انطلعها من الفرن نخليها شوي عشان تبرد
إعداد خلطة الفراولة:
أول شي نخلط جميع مقادير الخلطة مع بعض على النار
نحط الفراولة فالجدر لين ما تذوب شوي و نحركها على نار هادية
نضيف كوب الماي تدريجيا و نضيف ملعقتين الجام و نحركهم
و بعدين نحط الجيلاتين معاهم و نحركهم شوي
و أخيرا نحط الخلطة فالثلاجة أو الفريزر لين ما تبرد
اعداد الكريمة:
نخلط جميع المقادير مع بعض " القشطة + الحليب + الكراميل + الدريم ويب "
نحركهم باليد أو بالخلاط
الكيكة :
نقص الكيكة من النص
نحطها في صحن مدور زجاجي مثل الموضح فالصورة .. أو اي صحن تفضلونه
نحط عليها شوي حليب سائل بالخاشوقة "الملعقة" عشان تلين شوي .. و بعدين نحط فوقها الكريمة
نحط الطبقة الثانية من الكيك و نحط فوقها الكريمة
بعدين نحطها فالثلاجة عشان تبرد شوي
و نخليها ممممم ربع ساعة تقريبا
بعد ما تمر ربع ساعة انطلعها من الثلاجة و نطلع خلطة الفراولة من الثلاجة و نصبها فوق الكيكة و نرد نحطها فالثلاجة
و بعد ساعة نطلعها .. و نقطعها و نحطها فالصحن و نقدمها
و بالعافية عليكم ^_^
الجمعة أكتوبر 17, 2008 1:03 pm